તમને જણાવી દઈએ કે ભારતના રસોડામાં મસાલાનું એક મહત્વપૂર્ણ સ્થાન છે. દેશમાં લાખો ટન મસાલાની વિવિધ જાતોનું ઉત્પાદન થાય છે. તે તૈયાર કરવું સરળ છે અને પ્રાદેશિક સ્વાદ અને ફ્લેવરના આધારે તૈયાર કરવામાં આવે છે.
આજકાલ ઘણા લોકો ઓછા રોકાણ સાથે વધુ કમાણી કરવાની રીતોની શોધમાં હોય છે. જો તમે પણ કંઈક આવું જ શોધી રહ્યા છો, તો આજે અમે તમને એક સારો બિઝનેસ આઈડિયા આપી રહ્યા છીએ. તમારે માત્ર એક જ વાર પૈસાનું રોકાણ કરવું પડશે. આ પછી તમે જીવનભર લાખો રૂપિયાની મોટી કમાણી કરી શકો છો. આ બિઝનેસની વિશેષતા એ છે કે તેની માંગ હંમેશા રહે છે. જણાવી દઈએ કે આ મસાલા મેકિંગ યુનિટનો બિઝનેસ છે. આ બિઝનેસ શરૂ કરવા માટે બહુ ઓછા પૈસાની જરૂર પડે છે.
તમને જણાવી દઈએ કે ભારતના રસોડામાં મસાલાનું એક મહત્વપૂર્ણ સ્થાન છે. દેશમાં લાખો ટન મસાલાની વિવિધ જાતોનું ઉત્પાદન થાય છે. તે તૈયાર કરવું સરળ છે અને પ્રાદેશિક સ્વાદ અને ફ્લેવરના આધારે તૈયાર કરવામાં આવે છે. જો તમને સ્વાદ અને ફ્લેવરની સમજ હોય અને બજારનું થોડું જ્ઞાન હોય તો મસાલા બનાવવાનું એકમ સ્થાપીને તમે મોટી કમાણી કરી શકો છો.
કેટલા રૂપિયાના રોકાણની છે જરૂર
ખાદી અને ગ્રામોદ્યોગ આયોગ (KVIC)ના એક અહેવાલમાં, મસાલા બનાવવાનું એકમ સ્થાપિત કરવા માટેની સંપૂર્ણ બ્લૂ પ્રિન્ટ તૈયાર કરવામાં આવી છે. આ અહેવાલ મુજબ, મસાલા બનાવવાનું એકમ સ્થાપવા માટે 3.50 લાખ રૂપિયાનો ખર્ચ થશે. જેમાં 300 ચોરસ ફૂટના બિલ્ડીંગ શેડ માટે રૂ. 60,000 અને સાધનોનો ખર્ચ રૂ. 40,000 થશે. આ સિવાય કામ શરૂ કરવાના ખર્ચ માટે 2.50 લાખ રૂપિયાની જરૂર પડશે. તમારો બિઝનેસ તમે આ રોકાણની રકમથી શરૂ કરી શકો છો.
ફંડની વ્યવસ્થા કઈ રીતે ભેગુ કરી શકાય
જો તમારી પાસે એટલી રકમ નથી, તો તમે આ બિઝનેસ શરૂ કરવા માટે બેંક પાસેથી લોન પણ લઈ શકો છો. આ બિઝનેસ માટે પ્રધાનમંત્રી રોજગાર યોજના હેઠળ લોન લઈ શકાય છે. આ સિવાય મુદ્રા લોન સ્કીમની પણ મદદ લઈ શકાય છે.
ક્યાંથી ખરીદવું?
તમે ઓનલાઈન લિંકની મદદ લઈને જથ્થાબંધ અથવા ઓનલાઈન માધ્યમ દ્વારા મસાલા અને મશીનો ખરીદી શકો છો.
કેટલી થશે કમાણી?
પ્રોજેક્ટ રિપોર્ટ અનુસાર વાર્ષિક 193 ક્વિન્ટલ મસાલાનું ઉત્પાદન કરી શકાય છે. જેમાં પ્રતિ ક્વિન્ટલ રૂ. 5400ના ભાવે એક વર્ષમાં કુલ રૂ. 10.42 લાખનું વેચાણ થઇ શકશે. તમામ ખર્ચ બાદ કર્યા પછી વાર્ષિક રૂ. 2.54 લાખનો નફો થશે. એટલે કે એક મહિનામાં 21 હજાર રૂપિયાથી વધુની કમાણી કરી શકાય છે.
આ રીતે વધારો નફો
રિપોર્ટમાં કહેવામાં આવ્યું છે કે જો તમે આ બિઝનેસ ભાડાની જગ્યાના બદલે તમારા ઘરમાં શરૂ કરો છો તો તમારો નફો વધુ વધશે. ઘરે બેસીને બિઝનેસ શરૂ કરવાથી પ્રોજેક્ટનો એકંદર ખર્ચ ઘટશે અને નફો વધશે
માર્કેટિંગ વધારશે તમારુ વેચાણ
તમારી પ્રોડક્ટ તમારા ડિઝાઇનર પેકિંગ પર વેચાય છે. પેકિંગ માટે પેકેજિંગ નિષ્ણાતની સલાહ લો અને તમારા પેકેજિંગમાં સુધારો કરો. તમે તમારા ઉત્પાદનનું સ્થાનિક બજારમાં માર્કેટિંગ કરી શકો છો. દુકાનદારો અને પરિવારો વચ્ચે સીધો સંપર્ક સ્થાપિત કરો. આ ઉપરાંત, કંપનીની એક વેબસાઇટ પણ બનાવો અને તેમાં તમામ ઉત્પાદનોનો ઉલ્લેખ કરો અને સોશિયલ મીડિયા પેજ પણ બનાવો, જેથી આખી દુનિયા તમારી પ્રોડક્ટ વિશે જાણી શકે.
